ముసుగు వెయ్యొద్దు

ముసుగు వెయ్యొద్దు  

ముసుగులన్డోయ్ ముసుగులు. ఎక్కడ చూసినా టన్నుల కొద్ది తాలిబన్లు దిగుమతి అయినట్టు రకరకాల 


ముసుగులు.ఈ ముసుగుల మిస్టరీనీ చేదించాలని, న్యూస్- గొడవలు దొరకని ఒక t.v anchor రోడ్డు


మీద పడింది.

ముందుగా, అటు వైపుగా వెళుతున్న ఒక యువకుడిని ఆపి, ' సర్, మీరు నడిచే వొస్తున్నారు కదా. ఈ 


ముసుగు ఎందుకు వేసుకున్నారో మా ప్రేక్షకులకి చెప్తారా?'అని అడిగింది.


'మేడం, ముసుగు చించుకుంటే బట్టతల మీద పడుతుందని, ఏమి చెప్పమంటారు?చిన్నప్పుడే, నెత్తి మీద జుట్టు 


ఎకరం ఎగిరిపోయింది. ఏదో జుట్టు తాలూకు అవశేషాలు మిగిలాయి అంతే. ఏ అమ్మాయి తిరిగి చూసేది కాదు. ఈ 


ముసుగు పుణ్యమా అనిఒక ప్రేమికురాలు దొరికింది. తను అసలు నన్ను నా ముసుగు చూసే ప్రేమించిందట.

ఇంతవరకు నన్ను ముసుగు లేకుండా చూడలేదు. అంతా ముసుగు చలవ.' అంటూ వెళ్ళిపోయాడు.కార్ నుంచి 


ముసుగుతో దిగుతున్న అమ్మాయిని పట్టుకుని, 'మేడం, మీరు ఎలాగా కారులో దిగుతున్నారు కదా, ఈ 


ముసుగు ఎందుకు వాడుతున్నారు?'


'ఈ రోజుల్లో ఛాయస్ ఎక్కువ అయిపోయిందండి. నాకు చాలా మంది బాయ్ ఫ్రెండ్స్ఉన్నారు, అలాగే నా బాయ్ 


ఫ్రెండ్ కి కూడా చాలా మంది గర్ల్ ఫ్రెండ్స్ ఉన్నారు.ఏదో ఒకటి తేల్చుకునే దాకా, ఒకళ్ళ వల్ల ఒకళ్ళకి ఇబ్బంది 


కలగకూడదని, అటు చూడండి,నా బాయ్ ఫ్రెండ్ కూడా ముసుగు వేసుకున్నాడు' అంటూ వెళ్ళిపోయింది.


ఈ లోపల హాస్పిటల్ bandage వంటి వింత ముసుగుతో ఒక వ్యక్తి రావడం చూసి,'సర్, మీ ముసుగు చాలా 


విచిత్రంగా ఉంది. మా ప్రేక్షకులకి వివరిస్తారా?' అంటూ అడిగింది.'ఏమి లేదండి. పొరపాటున హాస్పిటల్ వాళ్లతో 


ఇన్సురన్స్ ఉందని చెప్పాను. ఇంక వాళ్ళు తల వెంట్రుక నుంచి కాలి గోరు దాకా, రకరకాల పరీక్షలు చేస్తూ నెల 


రోజుల నుంచి వోదలట్లేదు. ఎవరు లేకుండా చూసి ఇలా పారిపోయి వొచ్చేసాను', అంటూ ఆటో ఎక్కి 


వెళ్ళిపోయాడు.


ఇదంతా చూస్తున్న ఒక పెద్దాయన, 'అమ్మా, ఇందాకటి నుంచి చూస్తున్నాను. చిన్న మాట చెప్పాలని వొచ్చాను.


 మనిషికి మనిషికి మధ్య కనిపించని ముసుగు ఒకటి ఉంది. అదే అన్ని బంధాలు దూరమవడానికి కారణం 


అవుతోంది. దాన్నే 'ego ' అంటారు. ఎవరో ఒకరు కొంత తగ్గి సర్దుకుపోతే, ముసుగు తొలగిపోతుంది. మనసు


 పరిమళిస్తుంది. ధన్యవాదములు.' అంటూ సెలవు తీసుకున్నారు.